Azərbaycan Milli Karate Federasiyasının prezidenti Yaşar Bəşirovun rəhbərliyi ilə İstanbulda nüfuzlu "Boğaziçi" Açıq Karate Turnirindən zəfərlə dönən karateçilərimiz Heydər Əliyev adına Beynəlxalq Hava Limanında təntənə ilə qarşılanıblar.
"Bosphorus Open"dən 1 qızıl və gümüş, 2 bürünc medallar, eləcə də komanda yarışlarının üçüncülüyünü qazanan milli komandamızın üzvlərindən Nuranə Əliyeva (-50 kq), İlahə Qasımova (-55 kq), Fəridə Abiyeva (-61 kq), İrina Zaretska (-68 kq), Ədilə Qurbanova (kata), Tural Balcanlı (kata), həmçinin Aytən Səmədli (+68 kq) bir günlük istirahətin ardından Avropa Oyunlarına həlledici hazırlıqlarını davam etdirəcəklər.
Türkiyədəki mötəbər yarışda idmançılarımızı 16-18 yaşlı gənclərdən ibarət seçmə komandanın böyük məşqçisi, əməkdar məşqçi Şahin Xudaverdiyevlə məşqçi Denis Morozov müşayiət edib.