12 yanvar tarixində Əməkdar idman xadimi, Əməkdar məşqçi, federasiyanın Məşqçilər komitəsinin sədri və milli komandanın baş məşqçisi Rəhman Hətəmovun doğum günüdür.
Əsas komandanı çalışdırdığı dövrdən İslam Oyunları və Avropa çempionatının qalibi, eləcə də dünya çempionatının və bir sıra yarışların çempion və mükafatlarından başqa onun rəhbərliyi altında karateçilərimiz ayrı-ayrı çəkilərdə yüksək nəticələrə nail olublar.
Azərbaycan Milli Karate Federasiyasının rəhbərliyi, ofis, məşqçi, hakim və idmançı heyəti, həmçinin baş sponsor Azərbaycan Beynəlxalq Bankı Rəhman Hətəmovu təbrik edir, ona qarşıdan gələn məsul yarışlarda yeni zəfərlər arzulayır.
Ad gününüz mübarək!