Ayxan Mamayev (-84 kq) İndoneziyanın paytaxtı Cakartada Karate1 Seriya A turnirinin bürünc medalı uğrunda mübarizə aparacaq.
Yarışa ikinci dövrədən başlayan A.Mamayev Belçika və Portuqaliyalı idmançılara qalib gəlsə də, 1/4 finalda Yaponiya təmsilçisinə məğlub olub. Təsəəliverici görüşlərdə ukraynalı idmançını mübarizədən kənarlaşdıran Ayxan Mamayev bazar günü mükafat uğrunda qarşılaşmada İran idmançı ilə tatamiyə çıxacaq.
18-20 Noyabr tarixlərində mövsümün son Seriya A turnirinə 65 ölkədən 661 karateçi qatılıb.
Media və İctimaiyyətlə İşlər katibi Sənan Məhərrəmov. Jakarta, İndoneziya.