Karateçilərimiz 18-20 Noyabr tarixlərində İndoneziyanın paytaxtı Cakartada Karate1 Seriya A turnirində iştirak edəcək.
Kumite üzrə kişilərdən ibarət milli komandanın baş məşqçisi Qurban Tağıyev yarışda 13 idmançını müşayiət edəcək. Sultan Hüseynov, Ramil Baxşəliyev (hər ikisi -60 kq), Nuran Rzazadə, Firdovsi Fərzəliyev (hər ikisi -67 kq), Fərid Ağayev, Tural Ələkbərli və Samir İbrahimov (üçü də -75 kq), Ayxan Mamayev (-84 kq), eləcə də Fidan Teymurova (-50 kq), Mədinə Sadiqova və Suada Kərimova (hər ikisi -55 kq), Ayla Rzazadə və Renata Ərəbli (hər ikisi -61 kq) mötəbər turnirin medalları və reytinq xalları uğrunda mübarizə aparacaq.
Mövsümün son Seriya A turnirinə 65 ölkədən 661 karateçi qatılacaq.
Media və İctimaiyyətlə İşlər katibi Sənan Məhərrəmov. Jakarta, İndoneziya.