Milli komandadnın üzvü Murad Hacızadə (84+ kq) Misirin paytaxtı Qahirədə Karate1 Series A turnirinin gümüş medalını qazanıb.
Finalacan 5 görüşdə Misir, Niderland və Xorvat rəqiblərinə xal vermədən qələbələrlə irəliləyən idmançımız, daha bir yerli karateçi ilə həlledici görüşdə qələbəni əldən verib. Digər idmançılarımız Samir İbrahimov və Məcid Əmirov (hər ikisi -75 kq) turniri medalsız başa vurub.
Nüfuzlu yarışda 70 ölkədən 862 karateçi iştirak edib. Beynəlxalq hakimlər Cahangir Babayev və Vüqar Kərimov yarışın referiləri arasında olub.
Media və İctimaiyyətlə İşlər katibi Sənan Məhərrəmov