Azərbaycan Milli Karate Federasiyasının prezidenti Yaşar Bəşirovun rəhbərliyi ilə beynəlxalq hakimlərdən Yusif Məmmədov, Şahin Xudaverdiyev, Vüqar Kərimov, Rənad Əliyev və Nərgiz Mehdiyeva Parisdə seminar və imtahanlarda iştirak edib.
5-7 iyun tarixlərində seminarla birgə onlar Avropa Karate Federasiyası Hakimlər komitəsinin imtahanlarında dərəcələrini yüksəltmək üçün biliklərini sınayıblar. Onlardan Ş.Xudaverdiyev, V.Kərimov və N.Mehdiyeva kateqoriyalarını artırıblar. Hakimlərimiz həmçinin Komandalararası Regional Avropa çempionatına qatılmaqla seminar və imtahanın praktiki hissəsini yerinə yetiriblər.
İctimaiyyətlə əlaqə və İnformasiya katibi Sənan Məhərrəmov