27-29 sentyabr tarixlərində Azərbaycanın Milli Qəhrəmanı, tankçı Albert Aqarunovun 50 illik yubileyinə həsr olunmuş ənənəvi beynəlxalq turnir keçiriləcək. Bu dəfə "Olimpiya ümidləri" adlandırılan yarış, 6-13 yaşlı uşaqlar arasında təşkil olunacaq.
Gənclər və İdman nazirliyi, Azərbaycan Karate-Do Federasiyaları Assosiasiyası və Azərbaycan Milli Karate Federasiyasının birgə təşkil etdiyi beynəlxalq xatirə turniri "Sərhədçi" Olimpiya İdman Mərkəzində keçiriləcək. 28 sentyabr saat 17:00-da turnirin təntənəli açılış mərasimi olacaq. Xatirə turnirinə beynəlxalq hakimlər də dəvət olunacaq. Yarışda 10-dan artıq ölkə idmançılarının iştirakı gözlənilir.
"Olimpiya ümidləri" turunirinin əsasnaməsini (ingilis dilində) buradan yükləyə bilərsiniz.
Media və İctimaiyyətlə İşlər katibi Sənan Məhərrəmov
