Ölkə başçısı İlham Əliyev Azərbaycan Xalq Cümhuriyyətinin 100 illik yubileyi münasibəti ilə bir qrup idman adamını mükafatlandırıb.
Cümhuriyyət medalı ilə təltif edilənlər arasında dəfələrlə Dünya və Avropa çempionları Rafael Ağayev və karate karyerasını bitirən, hazırda isə "Qəbələ" İdman Klubunun prezidenti Fariz Nəcəfov da var. Medalları Prezidentin ictimai-siyasi məsələlər üzrə köməkçisi Əli Həsənov təqdim edib.
Olimpiya karatesi ailəsi adından Azərbaycan Respublikasının Prezidenti cənab İlham Əliyevə idmançılara göstərdiyi diqqət və qayğıya görə minnətdarlığımızı bildiririk!
Media və İctimaiyyətlə İşlər katibi Sənan Məhərrəmov
