Çinin Şanxay şəhərində Karate1 A seriyası turniri ilə 2018-ci il mövsümündə Dünya Karate Federasiyasının (WKF) böyüklər arasında rəsmi liqa yarışlarına yekun vurulub.
Milli komandanın yeganə təmsilçisi İrina Zaretska (-68 kq), sonradan yarışın qalibi olan çinli Li Qonqa ilk mərhələdə məğlub olsa da, təsəlliverici görüşlərdə ardıcıl üç rəqibinə qalib gəlib. Bürünc medal uğrunda həlledici qarşılaşmada isə yapon idmançısı Someya Kayo ilə görüşün əsas vaxtı hesab açılmasa da, hakimlərin qərarı ilə daha fəal olan rəqib idmançı bürünc medala sahib olub.
Mükafatsız qalmasına baxmayaraq İ.Zaretska həm dünya həm də olimpiya reytinqində mövqeyini əlavə xallarla möhkəmklədib. Şanxayda mövsümün son Karate1 A seriyasında 80 ölkədən 1176 idmançı iştirak edib.
Media və İctimaiyyətlə İşlər katibi Sənan Məhərrəmov
