Finladiyanın Tampere şəhərində böyüklərin 49-cu Avropa çempionatından böyük zəfərlə dönən Azərbaycan karateçiləri Heydər Əliyev adına beynəlxalq hava limanında təntənə ilə qarşılanıb. Azarkeşlər, mükafatçıların yaxınları və karate ictimaiyyəti milli komandamızı böyük coşqu ilə qarşılayıb. Ölkə telekanalları fərqlənən idmançılar və federasiya rəhbərliyinin yarışla bağlı təəssüratlarını bölüşüblər.