Azərbaycan Milli Karate Federasiyasının təlim-məşq bazasında müxtəlif yaşlı qızların iştirakı ilə beynəlxalq karate seminarı keçirilib.
Qadınlar milli komandasının baş məşqçisi Denis Morozovun rəhbərliyi ilə seminara 14-15 yaşlı yeniyetmələr, 16-17 və 18-21 yaşlı gənclər, eləcə də böyüklərdən ibarət heyət və Çexiya və Yunanıstandan idmançılar qatılıb. 16-17 və 18-21 yaşlı gənclərdə qadınların böyük məşqçisi Seymur Xudaverdiyev seminarda asistentlik edib.
Son respublika çempionatının mükafatçıları da seminara qatılmaqla 1 həftə davam edən xüsusi təlimlərdə tanınmış məşqçilərin təcrübəsindən yararlanıb. Federasiya prezidenti Yaşar Bəşirov seminar iştirakçıları ilə görüşdə milli komandalar və perspektivli idmançılar üçün belə təlim-məşqlərin mütəmadi təşkil ediləcəyini bildirib.
Media və İctimaiyyətlə İşlər katibi Sənan Məhərrəmov