Video
Afişa
Səhifə
Sorğu
"Facebook" səhifəmizi bəyənirsinizmi?
Yox
Bitərəf
Ses ver

Avropa çempionatında fərqlənən idmançılar mükafatlandırıldı

A+ a-
12 Fevral 2018 16:15

Azərbaycan Milli Karate Federasiyasının (AMKF) rəhbərliyi, ötən həftə Rusiyanın Soçi şəhərində Yeniyetmə və Gənclərin Avropa çempionatında uğurla çıxış edən seçmə komandanın üzvləri ilə görüşüb.

Federasiya prezidenti Yaşar Bəşirov və 1-ci vitse-prezident Fərid Əsgərov 4 qızıl, 1 gümüş və bürünc medal qazanan idmançılarımızı təbrik edərək, bu nəticəni aşağı yaş qruplarında tarixi uğur kimi dəyərləndirib. Federasiya rəhbərliyi dövlət tərəfindən göstərilən qayğı müqabilində, eyni zamanda Azərbaycanın idman ölkəsi imicinin qorunması üçün bundan sonra da məsuliyyətlə çalışmağın və yüksək nəticələr göstərməyin əsas məqsəd kimi qarşıya qoyulduğunu xatırladıb.

      Yeniyetmə və gənclər seçmə komandasının məşqçisi Anar Allahverdiyev qitə çempionatına hazırlıq işlərində lazımi dəstəyə görə federasiya rəhbərliyinə minnətdarlığını bildirib. Görüş zamanı həmçinin növbəti yarışlara hazırlıq məsələləri müzakirə olunub. Yığıncağın sonunda Avropa çempionatında fərqlənən idmançılar mükafatlandırılıb.