Azərbaycan karateçiləri 2018-ci ilə uğurla başlayıblar. Yeniyetmələrdən ibarət seçmə komandamız Samobor şəhərində nüfuzlu Xorvatiya "Qran Prisi" turnirinin ilk yarış günündə 2 qızıl 1 bürünc medalla başa vurub.
Fərid Ağayevlə (-52 kq), Fidan Dadaşova (-47 kq) çempion olub. Tale Yaqubov (-63 kq) isə bürünc medala sahib olub. Perspektivli idmançı Ayla Rzazadə ( +54 kq) bürünc mükafat uğrunda görüşdə minmal hesabla məğlub olaraq 5-ci yeri tutub.
Şənbə günü 16-20 yaşlı gənclər arasında kumite yarışlarının nəticələri məlum olacaq. Bazar günü müxtəlif yaş qruplarında kata yarışları keçiriləcək. "Qran Pri" turniri fevralın əvvəlində Rusiyada Avropa çempionatına hazırlıq xüsusiyyəti daşıyır.
AMKF-in Media və İctimaiyyətlə İşlər katibi Sənan Məhərrəmov
