4-cü İslam Həmrəyliyi Oyunları ilə əlaqədar Səudiyyə Ərəbistanı Karate Federasiyasının prezidenti, Dünya Karate Federasiyası (WKF) doktor İbrahim M.Algannas Azərbaycan Milli Karate Federasiyasında (AMKF) təşkilatın rəhbəri Yaşar Bəşirovla görüşüb.
Qonaq Azərbaycan karateçilərinin həm İslam oyularında, həm də digər rəsmi beynəlxalq yarışlarda uğurlarını yüksək qiymətləndirib. Görüş zamanı milli komandalar arasında təcrübə mübadiləsi və birgə təlim-məşqlər keçirilməsi barədə söhbət aparılıb, qarşılıqlı səfərlər planlaşdırılıb.
Y.Bəşirov həmkarına AMKF-in WKF-ə üzv olmasının 20 illik yubileyi münasibətilə xatirə medalı və federasiyanın illik uğurlarını əks etdirən ənənəvi illik təqim-fotoalbom təqdim edib.
