19 aprel tarixində Azərbaycan Milli Karate Federasiyasının (AMKF) prezidenti, Milli Olimpiya Komitəsinin üzvü, Dünya Karate Federasyasının (WKF) Texniki komitəsinin üzvü, Avropa Karate Federasiyasının (EKF) idarə heyətinin üzvü, Əməkdar idman xadimi, Biologiya elmləri namizədi, Əməkdar idman ustası və 8-ci dan qara kəmər sahibi Yaşar Əyyub oğlu Bəşirovun doğum günüdür.
Y.Bəşirov tərəfindən 1994-cü ildən yaradılan AMKF-in 23 illik tarixində dünya və avropa çempionları yetişib, komanda yarışlarında böyük uğurlar əldə olunub, bir sıra mötəbər yarışların onlarla qalib və mükafatçıları var. Onun rəhbərliyi altında Azərbaycan karateçiləri mümkün olan titullardan çoxuna nail ola biliblər. Azərbaycan ötən illər boyu birgə zəhmətin nəticəsində uzun müddətdir ki, ən inkişaf etmiş karate ölkələri sırasındadır.
Son illər Azərbaycanda keçirilən 1-ci Avropa Oyunları və 4-cü İslam Həmrəyliyi Oyunları kimi onlarla ölkəni əhatə edən mötəbər yarışlarda karateçilərimizin ən yüksək zirvələrə qalxmasında, Y.Bəşirovun danılmaz xidmətləri olub.
Federasiyanın kollektivi təşkilatın prezidenti Yaşar Bəşirovu ad günü münasibəti ilə təbrik edir, ona uğurlu rəhbər fəaliyyətində daha böyük zəfərlər arzulayır.
