Bakı 2015 1-ci Avropa Oyunlarına hazırlığın son mərhələsinin bir hissəsi kimi Azərbaycan Milli Karate Fedasiyası (AMKF) və Baş sponsor Azərbaycan Beynəlxalq Bankının dəvəti ilə dünya şöhrətli ispan mütəxəssis Antonio Oliva Seba növbəti dəfə idmançılarımızla təlim-məşqlərə gəlib.
İdmançılarımız üzərində fərdi və komanda şəklində işləyən Antonio Oliva Seba onların yarışlarından video yazıları da izləməklə lazımi tövsiyyələr verir. Texniki və taktiki hazırlıqlarda karateçilərimizlə birfə təlim-məşqlərə dəvət edilən Qazaxıstan milli komandası da iştirak edir.
AMKF prezidenti Yaşar Bəşirov A.O.Seba kimi yüksək səviyyəli mütəxəssilərin Azərbaycana gəlməklə idmançılarımızla işləməsinin böyük perspektivlər vəd etdiyini bildirib. O qeyd edib ki, belə tanınmış karate mütəcəssisləri ilə əməkdaşlıq davm etdiriləcək.
Seminar və təlim-məşqlərdən foto-alboma federasiyanın rəsmi "Facebook" səhifəsindən baxa bilərsiniz.
