Azərbaycan milli komandası bir-birinin ardınca ikinci ildir ki, komanda yarışlarında Avropa çmpionatının mükafatçısı olur. Ötən il Finlandiyada Avropa çempionu olan karateçilərimiz bu il də vətənə medallarla dönürlər. 3-cü yer uğrunda yarışın ən güclülərindən sayılan Almaniya komandası ilə görüşü 3:0 hesablı tam üstünlükülə başa vuran Azərbaycan idmançıları 50-ci Avropa çempionatının bürünc medallarına sahib oldular.
Bir gün əvvəl fərdi yarışlarda 3 medal - Rafael Ağayev (-75 kq) və Niyazi Əliyev (-67 kq) ilə qızıl medal, AYxan Mamayev iləsə (-84 kq) gümüş mükafat qazanan karateçilərimiz bu nəticələrələ 47 iştirakçı ölkədən 19 medal qazana bilən komandalar arasında 6-cı oldular. 4-cü yarış günündən fotoalboma federasiyanın rəsmi "Facebook" səhifəsindən baxa bilərsiniz.
